Inspektorati i Eksplozivit
Aplikimi i udhëzimeve të mëposhtme mund të zvogëloj shanset për shkaktimin e zjarrit në shtëpinë tuaj:
Parandalimi i zjarrit i cili shkaktohet nga përgatitja e ushqimit në kuzhinë
- Gjithmonë rrini në kuzhinë gjatë përgatitjes së ushqimit.
- Gjërat të cilat mund të digjen lehtë siç janë pecetat për enë, qeset e letrës ose plastikës dhe perdet së paku një metër larg nga ena e gatimit apo shporeti.
- Para gatimit, përvilni mëngët dhe përdorni dorashka për furrë. Rrobat e gjëra mund të prekin shporetin apo pllakën e nxehtë dhe të digjen.
- Përderisa përdorni skarën për të përgatitur ushqim, gjithmonë qëndroni pranë saj. Skara mund të mbetet e nxehtë për një kohë të gjatë. Sigurohuni se fëmijët dhe kafshët qëndrojnë larg saj.
- Për përgatitjen e ushqimit, vendosni skarën së paku tre metra larg objekteve tjera, përfshirë shtëpinë dhe shkurret që mund të ndodhen përreth.
Parandaloni zjarret e shkaktuara nga shkrepëse dhe çakmakët:
- Shumë fëmijë të rinj digjen rëndë ose vdesin duke luajtur me shkrepëse dhe çakmakë.
- Mbyllni çakmakët dhe shkrepëset në një dollap.
- Nëse ju duhet të mbani shkrepëse ose çakmakë në pallton ose çantën tuaj, vendosni ato aty ku fëmijët nuk mund t’i shohin ose prekin.
Parandaloni zjarrin e shkaktuar nga ngrohja:
- Disa nxehëse kanë nevojë për hapësirë. Mbani ato një metër larg gjërave që mund të digjen, siç janë perdet ose grumbujt e gazetave. Gjithmonë shkyçni nxehëset kur largoheni nga dhoma ose shkoni në shtrat.
- Angazhoni personat përkatës për inspektimin e oxhaqeve, kaminave, stufave me dru dhe qymyr dhe kaldajave një herë në vit. Pastroni ato kurdo të jetë e nevojshme.
- Mbani gjërat të cilat mund të ndizen larg nga vendet ku ndizet zjarri dhe mbani një xham ose mbrojtëse metali para vendeve ku ndizet zjarri.
Parandaloni zjarret e shkaktuara nga pirja e duhanit::
- Përdorni taketuke të mëdha dhe të thella dhe i vendosni ato në sipërfaqe të rrafshta siç janë tavolinat.
- I lagni me ujë cigaret dhe bishtat e cigareve para se t’i hidhni ato në taketuke.
Parandaloni zjarret e shkaktuara nga qirinjtë:
- Ndizni qirinj vetëm kur ka një të rritur në dhomë. Mos lejoni fëmijët të mbajnë qirinj ose temjan në dhomat e tyre.
- Gjithmonë përdorni mbajtëse të qëndrueshme të qirinjve të punuara nga materiale të cilat nuk ndizen, siç janë metali, qelqi, etj.
- Fikni qirinjtë kur të rriturit largohen nga dhoma.
Parandaloni zjarret e shkaktuara nga benzina dhe produktet tjera:
- Benzina është shumë e rrezikshme. Brenda garazhit ose shtëpisë, avulli i benzinës mund të shpërthejë edhe nga një shkëndijë shumë e vogël.
- Më së mirë është të mos mbahet benzinë në shtëpi. Nëse ju duhet ta mbani një sasi të saj atëherë përdorni një enë të sigurt dhe të veçantë për këtë qëllim.
- Nëse keni mundësi, mbani atë enë në një strehë jashtë shtëpisë. Mbyllni të gjitha hapjet e saj.
- Kurrë mos sillni ose përdorni benzinë brenda shtëpisë. Benzinën e përdorni vetëm si karburant për mjete motorike.
- Për produktet tjera përveç benzinës: lexoni etiketën e çdo gjëje që bleni. Nëse shini fjalë si “Kujdes,” “Paralajmërim,” “Rrezik,” ose “Digjet,” duhet të jenë shumë të kujdesshëm.
- Mbyllni kapakun në të gjitha produktet e rrezikshme dhe largojini mënjanë pas përdorimit të tyre.
- Ruani ato mënjanë në një vend të sigurt të mbyllur.
