Për Ne
Siguria e bashkësive dhe parandalimi i krimit zhvillohen dhe ofrohen nga Ministria e Punëve të Brendshme – Departamenti për Siguri Publike në bashkëpunim të ngushtë me Policinë e Kosovës dhe në pajtim me misionin për të ngritur, ruajtur dhe shtuar sigurinë për të gjithë qytetarët në Kosovë dhe në bashkëpunim me ta.
Ministria e Punëve të Brendshme
Ministria punon për të ruajtur dhe shtuar sigurinë publike në tërë Kosovën. Fushëveprimi i Ministrisë përfshin: zbatimin e ligjit; parandalimin e krimit; shërbimet ndaj viktimave; zvogëlimin e rreziqeve; menaxhimin e emergjencave dhe reagimin në rast të manifestimit të tyre; sigurinë rrugore; parandalimin e zjarreve, mbrojtjen e jetës dhe pronës; lëshimin e gjobave qytetarëve; dhe luftimin e trafikimit me qenie njerëzore.
Departamenti për Siguri Publike
Departamenti ka disa divizione: Divizionin për armë dhe municion; Divizionin për industrinë private të sigurisë, Divizionin për sigurinë e bashkësive, Divizionin për sigurinë në aeroport, Inspektoratin për eksploziv dhe Divizionin për hulumtime.
Fusha e programit për parandalimin e krimit ofron reagim gjithëpërfshirës ndaj krimit duke punuar me bashkësitë, shkollat, grupet e të rinjve, bizneset, organizatat shërbyese, policinë dhe të gjitha nivelet e qeverisjes për të ndihmuar Kosovën në krijimin dhe ruajtjen e bashkësive më të sigurta.
Fusha e programit për ofrimin e shërbimeve viktimave është qendra e përgjegjësisë për viktimat e krimit, dhunës në familje, trafikimit me qenie njerëzore dhe për fëmijët të cilët janë dëshmitarë të abuzimeve; shërbime këto të planifikuara dhe zbatuara në bashkëpunim të ngushtë me Ministrinë e Punës dhe Mirëqenies Sociale.
